Dako ang kalipay sang mga studio draw winners sang Swerte sa Palengke Promo 2024 sang Bombo Radyo kag Star FM, sa pagbatun sang ila premyo kaina sang aga.
May inugbayad na sa kuryente ang First Prize Winner nga si Maria Cecilia Polidario sang Lot 18, Blk 13 E. Lizares Sugar Valley Subd, Talisay City, sa proof of purchase nga Surf Powder.
Suno diri, iya gintipon ang empty sachet sang surf powder nga ginagamit sini panglaba para ihulog nga entry.// Nagbaton ini sang P5,000 nga iya ibakal sang bugas kag dugang pa gid nga proof of purchase.
Nagbatun naman sang P4,000 ang Second Prize Winner nga si Samuel Magbanua sang Hervias, Brgy 2 Villamonte, Baoclod City sa proof of purchase nga Dr Wong’s Whitfield Ointment.
Tuman ang kalipay sini sang nahibaluan nga siya ang nagdaog nga sa karun may kwarta na ini bakal sang iya mga kinahanglanon sa sulod sang balay.
Samtang, nabaton naman sang 3rd prize winner nga si Ignacio Plateros sang Alunan Baybay Brgy 35, Bacolod City nga may proof of purchase nga R. Florete Pawnshop and Jewelry kag siya ang nadag-an sini nga P3,000 cash prize.
