Tuman ang kalipay sang mga tagdaog sang Swerte sa Palengke Promo 2024 sang Bombo Radyo kag Star FM kaina sa pagbaton sang ila premyo.
Excited nga ginbaton sang first prize winner nga si Claudine Faith Benjamin sang Purok 1 Sisi, Magsungay, Brgy Singcang, Bacolod City nga naggamit sang proof of purchase nga Surf Powder ang premyo sini nga P5,000 cash prize.
Suno diri, ang nabaton sini nga kwarta ang iya gamiton para ibayad sa tubig kag suga kag para sa balaklon sa sulod sang balay kag para man sa iya mga kabataan.
Kasubong man nga para ibayad sa suga kag tubig ang kwarta nga nabaton sang 2nd prize winner nga si Sheryl Mae Villapa sang Murcia, Negros Occidental nga naggamit sang proof of purchase nga Gardenia.
Suno diri, dako ang iya kalipay nga siya ang nagabutan para magdaog kag magbaton sang P4,000.
Samtang, kapital naman para sa negosyo ang padulongan sang premyo nga nabaton sang 3rd prize winner nga si Marilou Barte sang Purok San Roque 2, Brgy Handumanan, Bacolod City nga naggamit sang proof of purchase nga Whitfield Ointment.
Suno diri, ibakal man sini sang bugas kag kapital para sa pagbaligya sang utan ang iya premyo.
