Napatay ang subject sa drug buybust operation nga ginpatigayon sa Purok Bagong Silang, Barangay Balintawak, Escalate City sang Martes.
Ang suspetsado ang ginkilala kay Rico Tausa nga residente sang nasambit nga lugar.
Sa interview sang Bombo Radyo Bacolod kay Police Lieutenant Colonel Albert Sy, hepe sang Escalante City Police Station, nagabatyag na sang lain sang pamatyag si Tausa sang ginconduct ang drug buybust operation.
Siya ang ginhingagaw dala sa malapit nga hospital apang gindeklarar nga dead on arrival.
Dugang pa ni Sy sa ginhatag nga report sang Doctor on duty ang suspetsado may sakit nga Acute Coronary Syndrome.
Gilayon man ginpatigayon ang post mortem operation kag didto nakit-an nga Cranial Hemorrhage ang gin tuna-an sang iya kamatayon.
Si Tausa ang makaagi man nga nadakpan sa kaso may kaangtanan sa illegal nga droga sang tuig 2017.
