Ginpermahan na ni Senate President Francis Chiz Escudero ang subpoena sa mga indibidwal sang walo ka mga construction companies nga wala nagpadala sang ila mga representatives sa ginapatigayon nga imbestigasyon sang Senado natuhoy sa Flood Control.
Ini ang igapadala subong nga Agosto 26 sa walo ka mga construction companies nga wala nagtambong sa Senate Blue Ribbon panel.
Ini ang ginalakipan sang mga kumpaniya nga Wawao Builders, Topnotch Catalyst Builders Inc., Sunwest Inc., St. Timothy Construction Corp., Royal Crown Monarch Construction & Supplies Corp; L.R. Tiqui Builders Inc.; Hi-Tone Construction & Development Corp kag Alpha & Omega General Contractor & Development Corp.
Ang nasambit nga tikang ang bilang pagpakita sang suporta sa ginapatigayon nga imbestigasyon ni President Ferdinand “Bongbong” Marcos Jr. natuhoy sa mga anomaliya sa flood control projects.
