Naserbe na ang subpoena para kay Davao City Mayor Sebastian “Baste” Duterte kahapon, sa idalom sang mando sang Senate impeachment court para sa pagtestigo sa impeachment trial sang iya utod nga si Vice President Sara Duterte.
Base sa stamp sa subpoena nga gin-issue sa alkalde, nabaton ini sang iya talatapan sang Setyembre 22, 2026 paagi sa administrative services division.
Nag-isyu ang Senate impeachment court sang subpoena ad testificandum et duces tecum para sa top official sang Davao City.
Ini bangud ang kompanya nga GenCorp Industries Inc., nga gindeklara sang bise presidente sa iya nga SALN sang 2024 kag 2025, ang nakakuha sang kontrata sa Davao City Government nga nagabalor P30 million.
Natalana nga ipresenta si Mayor Duterte sa korte sa Setyembre 28-30.
Ginmanduan man ini nga dal-on ang certified true copy kag kumpleto nga electronic copies sa USB flash drives, sang mga official records sang Gencorp Industries, Inc, kag anuman nga korporasyon ukon entity nga nagapanag-iya sang Jollibee branch ukon establisyemento.
Sang damlag lang, nagpahayag si Mayor Duterte nga siya kag ang iban nga mga opisyal sang city government ang wala sang ihibalo sa gin-alegar kaangtanan sang iya utod sa GenCorp Industries Inc.
Suno diri, ang city government ang may 19 ka mga kontrata sa GenCorp nga nagabalor P33.2 million, apang wala sa anuman nga transaksyon ang pangalan nga “Duterte”.
