190 tanan ang nangin successful blood donor sa ginpatigayon nga Dugong Bombo 2025: A little pain, a life to gain blood letting activity sang Bombo Radyo kag Star FM kahapon.
Sa interview sang Bombo Radyo kay Mary Joice Louise Rebadomia, blood donor officer sang Philippine Red Cross- Bacolod chapter, iya ginakalipay nga madamo sang nagpadulong para magdonar sang dugo kaangay sa mga estudyante, men in uniform, mga galloners na kag iban mga first timers pa lamang.
Suno diri, iban wala natigayon nga makadonar sang dugo bangod sa katigulangon na kag indi regular nga nagapakuha sang dugo.
May yara sang mga nagpadulong nga naga-edad sang 60 tubtob 70 anyos apang sila wala ginpahungotan bangod sa ila edad.
Suno pa kay Rebadomia, ang 70 anyos nga nagpadulong, mapakuha kun tani sang dugo kadungan sa isa kaadlawan kahapon.
Pahayag sini, dako ang iya pagpasalamat sa tanan nga nagdonar bangod ang isa ka bag sang dugo nga ginhatag sang kada isa, makasalbar na sang tatlo ka kabuhi.
Ginpahayag sang General Practitoner nga si Dr Joemar Jann Anico nga imprtante nga suspesyente ang supply sang dugo sa blood bank.
Suno diri, importante ang paghatag sang dugo bangod ini makabulig sa isigkatawo ilabi na sa karun nga madamo sang nagakinahanglan.
Suno pa diri, sa pagdonar sang dugo, mareplenish ang lawas kag may bag-o na naman nga blood circulatiom.
Samtang, may yara man sang iban nga wala mahimo makapadonar bangod kulang sa tulog, bag-o lang nagpa-tattoo ukon bakuna.
