Wala gihapon makaabot ang gin-order sang contractor nga materyales nga i-ilis sa punder nga suga sang Halandumon tower sa corner Gonzaga-Gatuslao St. Bacolod City.
Suno kay Engineer Leuben Ceballos, sang City Engineers Office, wala pa naka-abot ang mga suga nga gin-order sang Humming bird construction firm sa Thailand.
Madumduman nga sang bulan sang Oktubre, ginpahayag ni Ceballos nga maga-abot na ang mga materyales sa sulod sang tatlo tubtob apat ka semana apang tubtob subong wala gihapon nag-abot.
Sa pagpakig-angot ni Ceballos sa contractor, nahisayran nga nagahulat pa ini sang shipment sang supplier.
Nahibalu-an nga nabutang sa kontrobersiya ang halandumon tower matapos gilayon nga napunder ang suga sini bisan 4.8 million pesos ang pondo nga gingasto sa pagpahimo sini kag one million pesos ang para sa lighting.
