Nagapanawagan ang Presidente sang United Sugar Producers Federation of the Philippines sa national government nga imbestigaran ang mga traders nga nagapanubo sa mill gate price sang kalamay.
Sa interview sang Bombo Radyo Bacolod kay Manuel Lamata, ang mga traders ang may sala kun ngaa nagnubo sa P2,250 ang mill gate price.
Suno diri, ang mga traders nakahibalo sang sitwasyon sang mga sugar farmers nga nagapamigado na gid apang baklon pa sa ila ang kalamay sa tuman ka nubo nga presyo.
Pahayag ni Lamata, matunto ang mga traders nga sila lang nagakwarta sa balhas kag kabudlayan sang mga mangunguma bisan sila mismo nakakita sang sitwasyon sang mga pigado.
Suno pa diri, subong pa lamang natabo nga nagnubo sa P2,250 ang mill gate price.
Nagapanawagan ini sa karun kay Agriculture Secretary Francisco Tiu Laurel Jr. nga imbestigaran ang mga traders nga nagpanubo sang mill gate price nga nagpa-antos sa sugar farmers.
