Ginapanawagan sang anay gobernador sa Negros Occidental nga mahatagan sang otoridad ang Department of Agriculture kag Sugar Regulatory Administration sa pagmonitor kag pagregulate sang pagsulod sang Artificial ukon Chemical Sweeteners.
Sa interview sang Bombo Radyo Bacolod kay former Negros Occidental Governor Rafael “Lito” Coscolluela, consultant sang Confederation of Sugarcane Producers Association Incorporated (CONFED), sa public consultation didto nila natukiban na tuman na kadako ang nagasulod nga chemical sweetener sa Pilipinas.
Ang mga chemical sweetener kaangay sang Sucralose kag Acesulfame ang 600 ka beses nga mas matam-is sangsa refined sugar.
Bangod sini, tuman ka dako nga market ang nadula sa locally produced sugar bangod ang mga softdrink companies ang naga-import sang
chemical sweetener bilang kabaylo.
Suno diri, dapat mamonitor sang DA kag SRA ang basihan sa pag-import sa kun pila ang volume kag ang schedule sang importasyon.
Dugang pa sini nga may mga pagtuon nga indi maayo sa ikaayong lawas ang nasambit nga mga artificial sweetener, gani ini ang indi lamang makatuga sang economic kundi kasubong man sang health concerns.
