Nagapasalamat ang presidente sang United Sugar Producers Federation (UNIFED) nga naggwa na ang ginatawag sini nga palsipikador nga si Department of Agriculture Undersecretary Leocadio Sebastian nga madugay naman niya nga ginpangamuyo.
Sa interview sang Bombo Radyo Bacolod kay Manuel Lamata, nagpasalamat man ini nga wala gintalikdan ni President Ferdinand “Bongbong” Marcos Jr. ang problema sang sugar industry matapos nga wala sini ginpasugtan nga makasulod ang 300,000 metric tons nga sugar import.
Suno sa presidente sang UNIFED, kun nakasulod sa pungsod ang natalana nga iimport kuntani nga kalamay, maremalaso ang sugar industry sang pungsod.
Ang igaimport kuntani nga kalamay ang magasulod sa pungsod sa tion man sang peak milling season sa bulan sang Oktubre kag Nobyembre kun sa diin mapatay ang sugar industry sang Pilipinas bangud madamo na ang supply sang kalamay.
Suno pa diri, wala man sang kakulang sa supply sang kalamay bangud madamo ang supply apang kun baklon sa merkado tuman ini ka mahal.
