Gin-anunsyar sang Sugar Regulatory Administration (SRA) nga wala na sang matabo nga sugar importation sa karun kag ginakonsiderar sang gobyerno ang direkta nga pagbakal sang kalamay nagikan sa mga sugar farmers bangud sa pagnubo sang farmgate prices.
Suno kay SRA Administrator Pablo Luis Azcona, base sa karun nga demand figures, wala sang rason nga kinahanglan mag-import.
Suno kay Azcona, mahibaluan lamang ang final production kag demand numbers sa tion nga matapos na ang milling season.
Suno diri, sa karun nga nagapadayon pa ang paggaling, may yara sang nagakaigo nga buffer stock kasubong man ang supply sang kalamay.
Ginpanindugan man sini nga mas manubo ang demand kumparar sa ginalauman gani wala sang kinahanglan nga mag-import sang dugang nga supply sang kalamay.// Ginpahayag man sini nga ang pagdrop sa farm gate ang bangud market forces.
Suno diri, masami sini ginahambal nga kun may yara gid man sang over supply sang kalamay, ang retail prices ang maganubo man apang nga wala naganubo?,.
Suno kay Azcona ang mga tawo lamang nga yara sa trading side ang makapaathag sini.
Sa karun, ang mahimo lamang sang SRA amo ang pagpasiguro nga may yara sang nagakaigo nga supply sang kalamay ilabi na nga bulan sang Disyembre.
Suno kay Azcona, kun basehan sa karun ang P2500 kada sako nga farmgate price sang retail price, magasobra ang retail price sang sa karun nga farm gate price.
Suno diri, bisan magnubo ang farm gate price, wala naganubo ang retail price.
Suno kay Azcona ang una nga panawagan sang intervention ang ginhimo sang UNIFED kag naestorya na sang SRA ang tanan nga nagapangayo sang intervention gani nakita nila ang direkta nga pagbakal sang kalamay sa mga farmer agud nga magsaka man ang farmgate price.
Apang ang ini nga plano ang wala pa mapat-od kun san-o bangud ginatsekyar pa nila ang legalities sang mga imbulbado nga ahensya kag agud mahibaluan kun anhon kag diin dal-on ang kalamay nga ginbakal direkta sa mga farmers.
