Ginpahayag ni US President Donald Trump nga nangin maayo ang resulta sang pagtawganay nila ni Russian President Vladimir Putin kag gilayon nga pagasuguran sang Moscow kag Kyiv ang negosasyon natuhoy sa isa ka ceasefire kag pagtapos sang gyera.
Madumduman nga nagkitaay sang tinalikdan nga semana ang mga delegates sa Istanbul sa labing una nga kahigayunan humalin sang 2022 apang wala sila nakadihon sang isa ka truce.
Suno sa Kyiv, sila ang preparado na sa isa ka ceasefire samtang suno naman sa Moscow, dapat may malab-ot anay nga mga kondisyon.
Suno kay Trump, magasugod na sa immediately ang negosasyon sa tunga sang Russia kag Ukraine.
Suno diri, siya ang nagpatigayon sang isa ka joint call kaupod kay Ukrainian President Volodymyr Zelenskiy kasubong man sa leaders sang European Union, France, Italy, Germany kag Finland pagkataposs ang iya paghinun-anon kay Putin.
