Patay ang isa ka miyembro sang 15th Infantry Battalion sang Philippine Army matapos nga gintiro sang kaupod sini nga suldado sa sulod sang military detachment sa Brgy Manculahoc, ciudad sang Sipalay, Negros Occidental, kagab-i.
Sa interview sang Bombo Radyo kay Punong Barangay Sergio Lebre sang Brgy Manculahoc, kapin alas- 9:00 kagab-i nakabati ini sang isa ka lupok kag makaligad ang pila ka minutos may nagtawag sa iya para magreport sa nagluntad nga shooting incident.
Suno diri, naga-inom inom sa sulod sang military detachment si Corporal Arnold Sumaribos kaupod si staff sergeant Charlemagne Nabejet.
Ginalantaw nga nagluntad ang komosyon sa tunga sang duha kun sa diin gintiro ni Nabejet si Sumaribos sa dughan nga gintunaan sang iya kamatayon.
