Ginbatak na ni Bacolod City Mayor Evelio Leonardia ang Sunday lockdown sa tatlo ka dalagko merkado sa syudad – ang Central Market, Burgos Market, kag Libertad Market umpisa sa Oktubre 18.
Sa ginpagwa nga Executive Order No. 68 nga gin-issue sang Huwebes, ginhinambit sini ang mga resulta sang COVID-19 Surveillance Testing para sa mga market vendors sa tatlo ka public markets sa sayudad sang Bacolod.
Bangud sa manubo nga porsyento sang nagpositibo sa surveillance testing santo sa EO 59 kag EO 66, nga nagtumod sa safety environment for operations, ang Sunday lockdown ang indi na kinahanglan kag ginbatak na ini sang alkalde.
Madumduman nga ginmando ni Leonardia nga temporaryo nga siraduhan ang tatlo ka mga dalagko nga merkado tagsa ka domingo humalin sang Agosto para sa disinfection kag bilang preventive measure batok sa paglapta sang virus.
Ang surveillance testing sa mga manugbaligya ang ginrekomendar sang Inter-Agency Task Force-Visayas chief implementer Major General (Retired) Mel Feliciano, agud nga makontrol kag matapna ang padayon nga paglapta sang COVID-19 infection.
Ang proyekto ang ginsupervise sang opisyales sang mga Emergency Operations Center (EOC) sang syudad.
