Sunog, nagluntad sa ikatatlo nga panalgan sang establishimento sa Barangay 17, Bacolod City kahapon sang hapon

Gilayon nga napalong ang sunog nga nagluntad sa 3rd floor sang RS Building, Hilado St., Barangay 17, Bacolod City takna alas-2:58 kahapon sang hapon.

Nacontrolar ang sunog takna alas-3:08 sang hapon kag gilayon man nga na-fire out.

Sa inisyal nga imbestigasyon, ginabanta P100,000 ang halit nga natuga sang sunog.

Samtang wala paman sang matumod nga gintunaan sang sunog.

Ang 3rd floor ang nagaserbe nga storage rooms sang mga combustible materials kaangay sang cellphones nga ginabaligya kag wala man ginasakaan sang mga customer.

Gilayon naman nga nakagwa ang lima ka mga trabahante sang nagluntad ang sunog.

Ginapasalamat naman nga wala sang nasamaran sa insidente kag wala man naulamid ang mga kaiping nga bahin sang building.