Gintupok sang kalayo ang Kairo Shop, ginapaarkilahan sang mga gowns kag tuxedo sa Barangay Handumanan, Bacolod City kaina sang kaagahon.
Sa interview sang Bombo Radyo kay Kyle Sevilla, tag-iya sang nasambit nga shop, ginpahibalo na lamang ini sang iya amay nga nagakasunog na ang ila balaligyaan kag naubos gid ang tanan nga unod sini.
Ila lang nasalbar ang mga importante nga papeles kag dokumento.
Suno kay Sevilla, Lunes pa lamang, may napanimahuan ini nagikan sa outlet sang shop ukon saksakan sang kuryente gani ini ang isa sa iya ginalantaw nga gintunaan sang kalayo.
Wala naman sang may nasamaran ukon napilasan sa insidente.
Wala naman sang may nasamaran ukon napilasan sa insidente.
Suno sa Bureau of Fire Protection, electrical ignition ang gintunaan sang kalayo kag nagdangat sa P1,260,000 ang kabug-usan nga balor sang halit.
