Gilayon nga natapna ang kalayo sa nagluntad nga sunog sa CR sang lalaki sa Libertad Public Market kaina sang kaagahon.
Sa pag-tsekyar sang Bombo Radyo News Team, madasig nga napalong ang kalayo bangud sa madasig nga pagresponde sang mga bombero.
Sa interview kay Mitch Locsin, vendor kag residente sang Barangay 33, Bacolod City, ginpahayag sini nga sa kisame sang banyo sang lalaki nagsugod ang kalayo.
Nagbuligay pa sila basya sang tubig agud mapalong ang sunog samtang nagahulat sa mga bombero.
Suno diri, ginlamon man sang kalayo ang tyangge nga nagabaligya sang mga plastic sa likod sang banyo.
Maayo nalang suno sa iya nga wala nalab-ot ang baligyaan sang butane sa tupad sang tyangge subong man ang transformer.
Sa karon padayon pa nga ginahibalo sang Bureau of Fire Protection kun ano ang ginhalinan sang sunog.
