-- ADVERTISEMENT --
P4 million ang balor sang halit nga gintuga sang sunog nga nagluntad sa isa ka residential dormitory sa Fortune Towne, Brgy. Estefania, Bacolod City kagab-i.
Sa impormasyon nga nakuha sang Bombo Radyo, ang nasambit nga building ang apat ka panalgan kag nahamtang sa tupad sang CHMSU Fortune Towne.
Suno sa Bureau of Fire Protection-Bacolod, apat ka mga firetruck, isa ka ambulansya kag isa ka rescue truck ang nagresponde sa lugar.
Wala sang may nasamaran ukon napilasan nga persona apang ang sunog ang nagtuga sang kapin P4 million nga balor sang halit.
Sa karun nagapadayon pa ang imbestigasyon sang kapulisan sa gintunaan sang kalayo.
-- ADVERTISEMENT --
