-- ADVERTISEMENT --
Ginapatihan nga naguba nga exhaust fan sa isa ka fast food restaurant chain sa Luzuriaga St, Brgy 12, Bacolod City ang rason sa nagluntad nga sunog subong nga hapon.
Una nga nakit-an ang madamol nga itom nga aso sa gwa sang ‘Mang Inasal’ kag amo na nga ginpahibalo ang mga tawo sa sulod sang restaurant nga may yara sang sunog.
Gilayon nga ginpagwa ang mga costumer kag empleyado samtang madasig man ang pag-abot sang Bureau of Fire Protection- Bacolod, Amity Volunteer Fire Brigade, kag Chamber Volunteer Fire Brigade.
Natigayon nga napalong ang kalayo nga wala na naglapta pa sa iban nga commercial buildings.
