Nagsaka ang numero sang fire calls sa syudad sang Bacolod sa nauna nga duha ka bulan sa tuig 2022 suno sa fire marshal sang Bacolod Fire Station.
Sa interview sang Bombo Radyo Bacolod kay Fire Chief Inspector Rodel Legaspi, Bacolod City Fire Marshal, may yara lamang sang siyam ka structural fire nga nagluntad sang Enero tubtob Pebrero 2021 samtang sang 2022 sa parehas nga bulan, nagdangat sa 53 ka fire call sa bulan sang Enero samtang 27 sa bulan sang Pebrero ang narecord kun sa diin kalabanan sini ang grass fire.
Sa tuig 2022 may yara sang nagrekord nga 21 ka mga structural fires sa nauna nga duha ka bulan.
Nagpanugyan man ang City Fire Mashal nga agud malikawan ang mga fire incidents dapat siguruhon nga wala sang loss circuit connection, indi dapat pagbayaan kun magluto sa kusina , indi magpanigarilyo samtang nagahigda sa hiligdaan, dapat tsekyaron ang mga kuryente kag ipalantaw sa mga licensed electrician kun may yara sang ilislan nga fuse.
Samtang, nagpanugyan man ini nga dapat pamilyar ang kada katapo sang pamilya sa mahimo gwaan sa tion nga may magluntad nga sunog kag dapat tandaan nga indi na magbalik sa sulod sang balay kun may sunog agud nga malikawan ang disgrasya.
