Electrical in nature ang nagwa nga ginhalinan sang kalayo nga nagtuga sang sunog sa apat ka classrooms sa Bago City Elementary School sang Biyernes, Marso 21.
Sa interview sang Bombo Radyo Bacolod kay Fire Chief Inspector Erwin Johannes Gimotea, Chief, Investigation and Intelligence section, Bureau of Fire Protection Regional Office 6, kaangay sang mga gin-imbestigaran nila nga nasunog nga bahin sang mga eskwelahan daw halos pareho nga mga paremeters ang nakita nila nga ginahalinan sang sunog.
Ini ang ginalakipan sang daan na ang building kun sa diin gintukod sang 1960s pa kag nagakinahanglan na sang renovation samtang ang wirings ang daan na gani ang nangin problema.
Nakita man sa imbestigasyon ang common nga sala nga ginaubra sang mga pumuluyo nga sugpon sugpon sang mga wirings ukon disponering.
Suno kay Gimotea sa tion nga may yara sang bag-o nga appliances nga ginadonate ang PTA ginatap lamang sa wirings.
Suno diri bisan nga gina-alegar nga supervised man ini sang electrician apang wala man ini namaintain.
Ginalantaw nga bangud sa mga ginsugpon nga mga wirings mahimo nga may mga loose connections nga nagspark kag nagtuga sang kalayo sa nagluntad nga sunog.
Suno diri, nagapasalamat ini nga hapon nagluntad ang sunog kag indi sa alang-alang ang oras.
Gindayaw man sini ang tanan nga mga fire personnel kag fire volunteers nga madasig nga nagresponde kag natapna ang kalayo kag wala na naglapta pa.
Nagpanugyan ini sa eskwelahan kag mga manunudlo nga siguruhon nga nakapatay ang mga electrical connections nga safe sa tagsa ka mga classrooms agud nga malikawan ang sunog kag indi delikado sa mga kabataan.
