P200, 000 ang balor sang halit nga ginbilin sang sunog nga nagluntad sa Purok Riverside Zone 2, Barangay Bata, Bacolod City kahapon sang aga.
Suno kay Fire Chief Inspector Rodel Legaspi, fire marshal sang Bacolod City Fire Station, human sa light materials ang mga balay nga nasunog kag kalabanan sa mga ini ang human sa kawayan kag nipa samtang ang iban naman ang galvanized man ang atop.
Nagagwa nga halin sa balay ni Ivy Zulleta ang kalayo kag naglaton sa siyam ka iban pa gid nga mga balay.
Suno kay Legaspi, nagagwa sa initial investigation nga wala napatay ang baga matapos nagluto sa kusina kag ini ang napabay-an tubtub nga nagtuhaw ang kalayo, apang nagapadayon pa gid ang imbestigasyon agud matumod ang matuod nga ginhalinan sang kalayo.
Gindeklarar sang BFP Bacolod nga under control ang kalayo alas-11:16 sang udto kag nadeklarar nga under control alas-11:24.
Maswerte naman nga wala sang napilasan sa insidente.
