Madasig ang nangin pagresponde sa nagluntad nga residential fire sa Barangay Felisa, Bacolod City takna alas-9:00 kagab-i.
Ginpasalamatan ni Mona Jardin, asawa sang Punong Barangay sa Felisa nga si Ramon Jardin, sa nangin madasig nga response sang Bureau of Fire Protection (BFP).
Dugang pa sini nga wala pa nakadangat sa minuto sang nagtawag ini yara na gilayon ang mga bombero.
Nasunog ang isa ka payag nga human sa light materials samtang wala sang nasamaran sa insidente.
Ginakalipay naman ni Jardin nga bangod sa madasig nga paghulag sang mga bombero, wala na naglapta sa compound ang kalayo.
Nahibaluan nga ang compound ang ginabug-usan sang 15 tanan ka mga pamalay.
Ginatan-aw man sini nga ang kabangdanan sang sunog amo ang posibilidad nga may nagtutod malapit sa payag.
Nahibaluan nga nagbrown-out antes paman ang pagluntad sang sunog.
