Sunog sa Barangay Mambulac, nagbilin sang indi magnubo P500 mil nga balor sang halit

Ginabanta nga nagadangat sa P500, 000 ang balor sang halit nga ginbilin sang sunog nga nagluntad sa Dacutan Dako, Barangay Mambulac, Silay City, Negros Occidental, kaina sang udto.

Suno sa mga residente sa lugar, nakabati sila sang lupok kag ginsundan sang pagtuhaw sang kalayo.

Padayon pa sa karon ang imbestigasyon sang Bureau of Fire Protection agud matumod kun ano ang ginhalinan sang kalayo.