Partially damage ang isa ka balay matapos nga masunog sa Purok Mahigugmaon, Barangay 35, Bacolod City kahapon, Pebrero 13 sang hapon.
Sa interview sang Bombo Radyo Bacolod kay Fire Officer 2, Rolin Paulan, Chief Fire Investigator sang Bacolod City Fire Station, nagresponde gilayon ang mga bombero kun sa diin ang kalayo ang yara sa ikaduha nga panalgan sang balay ni Adelina Paradero.
Suno kay Paulan, first alarm lamang ang sunog kag ang damage ang nagdangat sa P52,500.
Sa imbestigasyon, santo sa estorya sang menor de edad nga bata nga ginkumpirmar sang magulang, nga naghampang ini sang lighter kag ginsindihan ang nakapi-od nga bayo kun sa diin nagdako ang kalayo.
Nadalahig man ang portion sang atop sang tupad balay.
Nagpanugyan si Paulan sa mga ginikanan nga indi gid pagsugudan tudlo ang mga bata nga maggamit sang lighter ukon posporo agud malikawan nga magluntad ang sunog kag makatuga sang kahalitan sa panimalay.
