Nagdangat sa kapin P8 million ang balor sang halit nga ginbilin sang sunog nga nagluntad sa Gatuslao St, Bacolod City, kahapon sang aga.
Sa interview sang Bombo Radyo Bacolod kay Fire Superintendent Jenny Mae Masip, Fire Marshal sang Bacolod City Fire Station, tatlo ka establishments ang partially damaged nga ginalakipan sang Merzci Bread and Pastries kag ang kaiping nga establishmento nga ginalakipan sang FNE Fashion Shop kag Zoliv Novelty Shop.
Suno kay Masip, ginalantaw nga sa ikaduha nga panalgan sang building naghalin ang kalayo.
Suno diri, nadugayan sila sa pagpalong sang kalayosa establishmento bangud wala gilayon napatay ang connection sang kuryente kag indi safe para sa mga bombero.
Alas-10:48 ang takna kaina sang aga nadeklarar nga fireout na ang sunog kag wala naman sang nasamaran sa nagluntad nga sunog.
Sa karun, padayon pa nga ginahibalo kag ginaimbestigaran sang Bacolod City Fire Station ang gintunaan sang kalayo.
