Ginalantaw sang mga katapo sang Bacolod City Fire Station nga electrical ignition ang ginhalinan sang kalayo nga nagtuga sa pagkasunog sang furniture shop nga Rojo Muebles and Crafts nga nahamtang sa dalan Lacson Extension, Barangay Singcang-Airport, Bacolod City, kahapon sang udto, Nobyembre 18.
Sa interview kay Fire Chief Investigator Fire Officer 2 Rolin Paulan, ang Funiture Shop ang ginapanag-iyahan ni Maxemia Libo-on.
Santo sa ila nga imbestigasyon, partially damage ang shop nga may affected area nga 115 square meters kag ang damage ang nagdangat sa P225,000.
Wala man sang may nasamaran sa nagluntad nga sunog.
Panugyan ni Paulan, sa mga panimalay bangud nagahilapit na ang paskwa kag naga-amat amat na install sang Christmas decorations kaangay sang Christmas lights ang dapat nakapasar sa ICC.
Indi man dapat pagpabay-an nga magsige lang nga nakasaksak agud nga malikawan nga magluntad ang sunog.
