Nagdangat sa 3rd alarm ang sunog nga nagluntad sa isa ka ginaconstruct nga building sa Upper East Megaworld sa Barangay 41, Bacolod City kaina sang aga.
Sa interview sang Bombo Radyo Bacolod kay Fire Chief Inspector Stephen Jardeleza, fire marshal sa Bacolod City Fire Station, ang sunog ang nag-umpisa alas-11:30 kaina sang aga kag nafire-out alas-12:34 sang udto.
Ang sunog ang nag-umpisa sa 3rd floor sang 14 storey building kag ang kalayo ang naglatun tubtob sa 4th floor.
Wala naman sang nasamaran sa nasambitan nga sunog.
Pahayag ni Jardeleza, nga madamo sang mga combustible materials sa 3rd floor kun sa diin man nagahalo sang pinta, apang wala pa mahibaluan kun ano ang nagtuga sang kalayo.
Ginpangayo naman sang mga ini ang listahan sang tanan nga mga nakasulod sa ginaconstruct nga building halin sang aga tubtob sa natabo ang sunog.
Ang kahalitan sa sunog ang nagadangat sa balor nga P5.2 million.
