Dugang pa sa gina-ekperyensya nga epekto sang tensyon sa Middle East, ang Asya subong ang posible maga-antos sang malala nga epekto sang El Niño nga mahimo magtuga sang pagsaka sang demand sa enerhiya, kakulangan sa hydropower, kag halit sa mga pananom.
Ang El Niño ang isa ka natural nga climate phenomenon nga rason sang pagbag-o sang hangin, air pressure, kag pattern sang pag-ulan sa nagkalain-lain nga bahin sang kalibutan.
Suno sa United Nations weather and climate agency, mahimo mabatyagan ang El Niño humalin Mayo tubtob Hulyo.
Samtang, ginpahayag sang World Meteorological Organization nga may mga senyales nga posible nga mas mangin mabaskog ang nagahilapit nga El Niño, nga ginatawag sang iban bilang “super El Niño,” apang indi ini ang pormal nga termino nga ginagamit sang mga scientist.
