Naigo sa naval mine ang isa ka supertanker nga dala ang kapin 2 million ka bariles sang langis matapos mag-agi sa indi otorisado nga ruta sa Strait of Hormuz santo sa pahayag sang Iran Revolutionary Guard.
Santo sa Iranian state media, ini na ang pangtatlo nga oil tanker nga naglupok sang Biyernes.
Makapila na ka beses nagpahanumdom ang Iran sa mga barko nga nagalabay apang wala sa permiso sang Tehran.
Gin-ako sang Iran ang responsibilidad sang mga pagpang-atake sa mga barko kag nagpahayag sang nakaligad nga bulan nga ang anuman nga barko nga magalabay sa ruta apang wala sang ila pahanugot ang ila paga-atakehun.
Gin-angkon sang Tehran ang kontrol sa Strait of Hormuz humalin sang ginlunsyar sang Estados Unidos kag Israel ang gyera sang Pebrero.
Ginpanginwala naman sang U.S. military ang mga insidente sang naval mines, kag ginpaathag nga ila na ginhawanan kag ginkakas ang tanan nga naval mines sa nasambit nga ruta.
Sa pihak nga bahin, gin-report sang Maritime Security Center sang Oman nga ila ginbakwit ang 25 ka mga tripulante.
Wala naman gin-athag kun may kaangtanan ini sa pag-atake nga ginpahayag sang Iran.
Ginpahayag sang Oman nga ang Panama-flagged tanker ang gin-atake sa Strait of Hormuz, kag ini ang gin-report nga nasunog.
