Nagpanawagan si President Ferdinand “Bongbong” Marcos Jr. sa kongreso nga tsekyaron kun may yara sang kinahanglan nga amyendahan sa Arroyo-era Electric Power Industry Reform Act (EPIRA).
Sa ika-tatlo nga State of the Nation Address ni Marcos, ginpahayag sini nga ang gobyerno ang ginatun-an kun ang EPIRA ang nagasabat pa sa mga kinahanglanon sang consumers nga mapanubo ang power rates.
Suno kay Marcos, kinahanglan nga buligan sang kongreso ang tikang bangud sa mataas nga presyo sang kuryente sa pungsod, nabudlayan indi lamang ang mga negosyante kundi ang mga pumuluyo man.
Nahibaluan nga ang EPIRA, ang na-enact sang 2001, isa ka landmark pro-market reform nga may tinutuyo nga masiguro ang reliable kag competitive nga presyo sang kuryente sa pungsod.
Nalakip man sa features sini ang electric power industry sa apat ka sub-sectors; nga ginalakipan sang: generation, transmission, distribution, kag supply, nga makabig nga isa ka ‘level playing’ field sa sektor sang enerhiya.
Nagpasalig man ang presidente sang padayon nga pag-diagnose sa mga power shortages kag brownout sa bug-os nga pungsod.
Ginpahayag man sini nga ang gobyerno ang magapadayon sang pag-address sang black-outs paagi sa microgrid kag off-grid systems.
Agud nga mapahagan-hagan ang kabudlayan sang mga kunsumidor sa mahal nga balayran sa kuryente, ginpahayag ni Marcos nga magapadayon ang gobyerno sa pagpatuman sang Lifeline Rate program kag temporaryo nga suspension sang FIT-All Tariff for electric bill.
Suno pa sa presidente nga gin-angot na sang gobyerno ang mga power grids sa tatlo ka dalagko nga island groups nga ginalakipan sang Luzon, Visayas, kag Mindanao.
