Supply sang baboy sa merkado sa Bacolod City, suspisyente na

Ginpahayag sang pork vendor sa Burgos Central Market sa ciudad sang Bacolod nga supesyente na ang supply sang baboy.

Suno kay Jingo Saliba, ang presyo sang pigue yara sa P320 tubtob P340 kada kilo, liempo nga nagapresyo sang P330 tubtob P350 kada kilo kag porkchop nga nagapresyo sang P300 tubtob P320 kada kilo.

Suno diri, nakadepende ang ila presyo sa pagbaligya man sa ila sang supplier.

Dugang pa sini, nagnubo na gid man sa karun ang presyo sang liveweight nga yara sa P150 tubtob 160 kada kilo.

Apang, wala man sang dako gid nga epekto sa ila ang pagnubo sang presyo bangod suki lamang nila ang nagabakal sa ila adlaw-adlaw.

Lauman naman suno kay Saliba nga madamo sang magabakal sang baboy sa bulan sang Nobyembre kag Disyembre.