Nagpasalig ang Alliance of Hog Raisers Association of Negros Occidental (AHRANO) nga may bastante nga supply sang karne sang baboy para sa holiday season apang lauman ang gamay nga pagsaka sang presyo sa kada kilo.
Sa interview sang Bombo Radyo kay Ric Lauron, presidente sang AHRANO, ang ila miyembro ang amat-amat na nga nagsagod liwat sang baboy kag kalabanan sa ila ang nagdugang pa gid sang numero sang ila ginasagod.
Suno diri, sa ila nga monitoring wala naman sang may napatay bangod sa sakit nga African Swine Fever.
Ang presyo naman sang karne sang baboy sa merkado ang nakadepende sa kada lugar.
Iban ang may presyo nga P370, P350, P320 kag may yara man sang P280 kada kilo.
Apang, suno kay Lauron, lauman nga may pagsaka sa presyo sini sa holiday season apang indi gid man tuman ka dako bangod nga wala man sang kakulangan sang supply.
