Nagnubo ang supply sang illegal nga druga santo sa monitoring sang Bacolod City Police Office – City Drug Enforcement Unit (BCPO-CDEU).
Sa interview sang Bombo Radyo kay CDEU Head Police Lt. Joven Mogato, nagtaas ang baklanay sang illegal nga druga sa ciudad bangud limitado kag manubo ang supply.
Suno sa iya, ini ang resulta sang asod-asod nga mga operasyon kag pagbantay sang BCPO kag iban pa nga units.
Suno diri, santo sa ila monitoring, tunga gid ang ginsaka sa presyo sang illegal nga druga kun sa diin sa karun nagadangat sa P9,000 kada gramo.
Ginalantaw sini nga epekto amu nga may pila nga indi nalang maggamit bangud indi sila makasarang magbakal.
Apang may yara man sang mga nagapangawat agud lamang makasuyop sang illegal nga druga.
Wala naman sini ginadula ang posibilidad nga may magaabot kag magasulod nga mga illegal drugs sa ciudad gani nagapadayon ang monitoring kag pagbantay sang mga otoridad.
