Nagpirma ang PrimeWater Bacolod kag Bacolod City Water District (BACIWA) sang bulk water supply agreement kaupod ang Bacolod Bulk Water Inc. (BBWI) para sa additional water supply sa ciudad.
Sa idalom sang agreement, iga-provide sa ciudad ang additional supply nga 10,000 cubic meters ukon 10 million liters per day (MLD) subong nga tuig tubtob nga ini ang magasaka sa 25 MLD sa masunod nga lima ka tuig.
Ang additional nga supply ang maga-address sang water shortage sa kapin 10,000 ka mga pamalay sa ciudad partikular na sa Barangay Mansilingan, Handumanan, Felisa, Alijis, Tangub, Taculing, Pahanocoy, Sum-ag, kag Singcang Airport.
Suno kay Bacolod City Mayor Alfredo Benitez, kun lantawon ang history, nagalab-ot lamang sa kapin sa 78 MLD ang masupply nga tubig sa ciudad apang kahapon nakarecord sila sang 84 MLD nga water supply nga amo ang pinakamataas.
May yara man sang mga area sa ciudad nga nalab-utan sang tubig sa una nga kahigayunan.
Suno kay Benitez, ginaproseso naman sa karon ang pagkuha sang supply gikan sa Matab-ang River kag ginalauman nga masolusyonan na ang krisis sa tubig.
