Gincriticize sang mga supporters ni Vice President Sara Duterte ang gobyerno sa ila pagtililipon sa atubang sang Veterans Memorial Medical Center sa Quezon City kun sa diin nagarecover ang iya chief of staff.
Madumduman nga gindala si Office of the Vice President (OVP) Chief of Staff Atty. Zuleika Lopez sa VMMC matapos nagmasakit sang Biyernes.
Suno sa mga suporters sang bise-presidente, sila ang dismayado kun paano ginatrato sa karun sang administrasyon si Duterte.
Suno diri, ang ila pagtililipon ang para sa bise-presidente kag ini ang importante bangud santo sa mga nagakatabo, sobra na ang ginahimo sang gobyerno.
Nagsuksok naman sang green nga bayo ang mga vloggers kag iban pa nga indibidwal kag nagcheer sang “Duterte” kag ginhangkat ang mga motorista nga magpakita sang suporta para sa pagpasound sang ila mga salakyan.
Samtang, may iban naman nga mga supporters nga naga-uyat sang poster nga may mga tinaga nga “Marcos resign now!”
