Ginpahayag sang human rights lawyer nga dapat tun-an kun lehitimo ang mga survey nga ginapatigayon angot sa mga incumbent National Government officials.
Santo sa Social Weather Stations, 41 percent ka mga Pilipino ang nagasuporta sa pagpa-impeach kay Vice President Sara Duterte.
Sa interview sang Bombo Radyo Bacolod kay Atty. Cesar Beloria, humalin pa sadto nangin kabahin na sa reaksyon sang mga tawo ang paglantaw sa resulta sang mga survey nga ginapatigayon.
Suno diri, kun kaisa may mga survey nga wala nahibaluan kun paano ginconduct, pila ang correspondents, ano ang formula, principles, kag mechanics ang gingamit.
Mas maayo suno kay Beloria, nga tun-an kun accurate kag legit ang mga survey nga ginapatigayon bangod ang mga resulta sini ang naga-apekto sa pagpati sang tawo.
Samtang, gin-athag man sini nga mapuslan kag kinahanglan gid man ang survey apang yara sa gihapon sa tawo kun magpati ini.
