Nagapangatubang sang nagkalain-lain nga kaso sang murder kag attempted murder ang lalaki nga ginasuspetsahan nag-arado sang mga pumuluyo sa isa ka German Christmas market nga gintunaan sang kamatayon sang lima ka mga persona.
Ang pagpang-atake sang Biyernes sa central city sang Magdeburg ang ginkakibot sang pungsod kag nagtuga sang tensyon natuhoy sa issue sang immigration.
Ang suspetsado, nga nakakustodiya sa karun, ang isa ka 50-anyos nga psychiatrist nagikan sa Saudi Arabia kag may history sang anti-Islamic rhetoric nga nagpuyo sa Germany sa sulod sang kapin duha ka dekada.
Blanko pa sa karun ang mga otoridad natuhoy sa motibo sang pagpang-atake.
Nagtipon naman ang pila ka mga residente agud maghatag sang respeto sa mga nagtaliwan.
Nalakip sa mga nadulaan sang kabuhi sa insidente ang isa ka siyam ka tuig nga lalaki kag apat ka mga kababainhan nga naga-edad 52, 45, 75 kag 67.
Sa mga napilasan, kapin 40 ang may yara sang seryoso kag critical injuries.
