Natumod na sang kapulisan ang suspetsado sa kamatayon sang pila ka mga festival-goers sa isa ka Filipino community block party sa Vancouver, Canada sang Sabado sang gab-i.
Si Kai-Ji Adam Lo, 30-anyos, residente sang nasambit nga lugar, ang ginpasakaan sang kaso nga eight counts of second degree murder sang BC Prosecution Service.
Suno sa police, nagpakita sa korte si Lo kag nagapabilin sa karun nga nakacustody.
Nagapadayon man ang charge assessment kag ginalauman ang mas madamo nga charges.
11 ka mga persona nga naga-edad nga lima ka tuig tubtob 65 ang nagkalamatay kag masobra duha ka dosena ka iban pa ang pilason sang gin-arado sang isa ka SUV ang mga pumuluyo nga nagaselebrar sang Lapu Lapu Day festival malapit sa Fraser Street.
Si Lo ang naaresto sang Vancouver Police matapos nag-intervene ang mga bystanders kag witnesses agud siya ang i-detain.
Sa karun wala pa sang nakumpirmar nga motibo sa krimen.
