Suspect nga nagluthang-patay sa kargador sa Libertad Public Market sang Sabado, nakilal-an na

Nakilal-an na ang suspek nga nagluthang-patay sa isa ka kargador sang Mayo 31 sang kaagahon.

Madumduman ang shooting incident ang nagluntad sa Mercedes Street, Barangay 40, Bacolod City, sa balaligyaan sang mga panakot sa Libertad Public Market.

Sa interview sang Bombo Radyo Bacolod kay Police Captain Rosalino Pugoy, station commander sang Bacolod Police Station 6, may mga tawo nga nakakilala sa suspek bangod nakita nila ini sang nagbaisay pa sila sang biktima nga ginkilala nga si Alyas Alog.

Suno diri, ang biktima ang residente sang Pangasinan apang nagapadulong lang sa probinsya sang Negros Occidental bangod may paryente ini sa Silay City.