Ginpahayag sang Bureau of Immigration nga halos isa ka bulan man nga nagtinir sa Pilipinas ang mag-amay nga suspect sa mass shooting sa Bondi Beach sa Australia sang Disyembre 14.
Suno kay Bureau of Immigration Spokesperson Dana Sandoval, magkaupod nga nag-abot sa Pilipinas sanday Sajid kag Naveed Akram sang Nobyembre 1 gikan sa Sydney, Australia.
Sa Davao ang ginapahayag nga destinasyon sang duha, kag sila ang nagsakay man sa eroplano gikan sa Davao padulong sa Manila antes maglupad pabalik sa Sydney sang Nobyembre 28.
Madumduman nga nagdangat sa 16 ang napatay kalakip na ang gunman, sa trahedya nga natabo kadungan sa Hanukkah event sa Bondi Beach.
Suno sa Australian police, imbestigahan pa kun ini ang makabig nga “act of terrorism” batok sa Jewish community.
