Suspect sa paglabo-patay kay alyas “Jay-R” sa Brgy. 2, Bacolod City, nadakpan na; Kaso nga murder, ipasaka

Naaresto na sang kapulisan ang suspect sa paglabo-patay kay alyas “Jay-R” sa Brgy 2, Bacolod City.

Madumduman nga ginlabo si Jay-r gamit ang ispading kag nakaangkon sa pilas sa liog kag nawong nga nagresulta sang iya kamatayon, alas-7:00 kagab-i.

Sa interview sang Bombo Radyo kay Police Major Rondyl Tapang, Station Commander sang Bacolod Police Station 2, ginkilala ang suspect nga si alyas ‘Jomel’, 38-anyos.

Suno diri, alas-11:30 kagab-i, nadakpan sang kapulisan si Jomel kasunod sa ila ginpatigayon nga hot pursuit operation sa iya puluy-an sa Purok Sarisa, Brgy 3, Bacolod City.

Suno kay Tapang, kaso nga murder ang ila ipasaka batok sa suspect.

Suno diri, si Jomel ang may madamo nga complaints sa Barangay.

Sa karun, nakahunong ini sa Bacolod Police Station 2.​​