Nagsungka na ang suspect sa pagbuno-patay sa 18 anyos matapos ang pagsinuyaay nga nagresulta sa pagpangastigo kag pagpamuno sa dalan Lacson, Barangay Mandalagan, Bacolod City.
Ang biktima ang ginkilala nga si Hakiru “Yuri” Legaste, 18 anyos, residente sang Barangay Efegenio Lizares, Talisay City, samtang ang nagbuno ang ginkilala naman nga si Adrian Cagayao.
Sa interview sang Bombo Radyo Bacolod kay Police Major Rondyl Tapang, station commander sang Bacolod Police Station 3, developing ang kaso kag si Adrian ang nagsungka sa opisina ni Bacolod City Police Office Director Police Col. Joeresty Coronica kaupod ang amay sini kag ginturn-over lamang ini sa Bacolod Police Station 3.
Suno kay Tapang, may mga rason man ang suspek kag ini ang ipresentar nalang nila sa tion sang trial.
Kaso nga homicide ang ginapasaka sa suspek.
