Suspect sa pagpang-arado sa Pride parade sa Germany nga nakapatay sang isa kag nakasamad sang 29, patay man sa police operation

Patay ang 21-anyos nga suspek sa ginpatigayon nga police operation sa Berlin, Germany, matapos nga gin-atake ang mga otoridad gamit ang bladed weapon samtang ginalagas, may kaangtanan sa isa ka vehicle ramming attack malapit sa LGBTQ Pride celebration.

Suno sa mga otoridad, may isa ka tawo nga ginbawian sang kabuhi samtang 29 naman ang pilason sang gin-arado sang isa ka minivan ang mga tawo sa Tiergarten Park, malapit sa Brandenburg Gate, kun sa diin ginpatigayon ang kada tuig nga Christopher Street Day celebration.

Ginkilala ang suspek nga si Abdul B., isa ka German citizen nga may Lebanese heritage.

Santo sa Interior Ministry, ginaalegar imbolbado man ini sa pila ka mga krimen kag may kaangtanan sa Islamist extremist scene.