Suspect sa pagpatay kay conservative activist Charlie Kirk, nadakpan na

Uyat na sang mga otoridad ang suspetsado sa pagluthang kay Charlie Kirk.

Ginkumpirmar ni FBI Director Kash Patel ang pagkustodiya nila sa suspetsado nga si Tyler Robinson.

Kun ano ang iya suksok sa pagluthang, amu man ang suksok sini sang siya ang naaresto.

Ginpahaya man ni Utah Governor Spenser Cox nga indi estudyante sang Utah Valley University ang 22-anyos nga suspetsado.

Padayon ang ginahimo nga imbestigasyon sang mga otoridad kun ano ang motibo sang suspetsado sa nasambit nga pagluthang.

Ginakabig ni Cox nga ang pagpatay kay Kirk ang pag-atake man sa ila tanan.