Nadakpan sa ciudad sang Bacolod ang suspect nga nagpatay kay Punong Barangay Dennis Jimpayan sang Brgy Kansumandig, La Libertad, Negros Oriental.
Sa interview sang Bombo Radyo Bacolod kay Police Col Jonathan Abella, Acting Provincial Director sang Negros Oriental Police Provincial Office, ang 32 anyos nga suspect ang nadakpan sang Sabado paagi sa hot pursuit operation.
Ini ang residente sa La Libertad, apang nagatrabaho bilang constriction worker sa Hacienda Hermelinda, Brgy Granada, Bacolod City.
Wala naman ini nagbato sa kapulisan, kag gilayon man nga ginbyahe balik sa banwa sang La Libertad.
Gin-inquest na subong nga adlaw ang suspect, nga mangatubang sang kaso nga murder.
Sa inisyal nga imbestigasyon, personal grudge ang rasun sa pagpatay, nga may kaangtanan man sa love triangle.
Ang biktima kag suspect ang lunsay pamilyado.
