Gin-ako ni Diego Lumampao, 29 anyos, nga residente sang Barangay Salvacion, Murcia, Negros Occidental nga siya ang nagpatay kay Seigfredo Magalona sa Purok NEDF, Barangay Handumanan, Bacolod City sang Biyernes.
Si Lumampao ang nag-surrender sa Murcia Municipal Police Station kaina sang kaagahon.
Sa exclusive interview sang Bombo Radyo Bacolod kay Lumampao, agud nga mahatagan sang hustisya ang kamatayon ni Magalona nga amo man ang ginapangayo sang pamilya sini, gina-ako niya nga siya ang nagpatay sa biktima.
Suno sa suspetsado, wala na siya sang upod nga iban pa sang ginhimo ang krimen.
Suno diri, nagulpihan lamang siya sa pagpatay sa biktima kag nadalman matapos nga maggamit sang ginadumilian nga druga.
Dugang pa ni Lumampao, nagagamit siya sang illegal nga druga ilabi na kun magtrabaho sa construction.
Gin-ako man sini nga siya ang nakaagi priso.
Nagpangayo man ini sang pasaylo sa pamilya sang biktima kag nagahinulsol na siya sa iya ginhimo.
