Nadakpan na ang ginatudlo nga suspect sa pagpatay sa 82-anyos nga lalaki sa Prk NEDF, Brgy Handumanan, Bacolod City pasado alas-4:00 kaina sang kaagahon.
Madumduman nga nasapwan sang construction worker nga wala na sang kabuhi kag duguon si Seigfredo Magalona sa sulod sang banyo sa iya ginapakay-o nga balay sang Biyernes.
Sa interview sang Bombo Radyo kay Police Cpt. Lelanie Lagoting, Station Commander sang Bacolod Police Station 10, alas-9:00 sang gabi-i nagpadulong ang live-in partner sang suspect sa PS10 kag gin-abisohan nila ini gga ipa-surrender ang suspect.
Gani suno kay Lagoting, sa pagkooperar sang live-in partner, natigayon nga nadakpan ang suspect sa iya puluy-an sa Barangay Salvacion, Murcia, Negros Occidental.
Suno kay Lagoting, nagaboard lamang ang suspect sa Bacolod bangud ang iya live-in partner ang naga-ubra diri.
Ginkumpirmar man sini nga ang suspect amo ang nakita sa CCTV footage nga nagsulod sa balay sang biktima.
Suno kay Lagoting, mabatian sa CCTV footage nga ang biktima kag suspect ang nagabaisay antes natabo ang krimen.
Suno diri, ang suspect ang napriso na sang 2020 sa Pasay City Jail may kaangtanan sa illegal nga druga kag gambling.
Nakahunong ini sa karun sa Bacolod City Police Station 10 kag magapangatubang sang kaso nga homicide.
