Ginahulat nalang sang pamunuan sang 303rd Infantry Brigade sang Philippine Army ang resulta sang confirmatory test sa gina-alegar nga illegal nga druga nga nakuha sang tropa sang gobyerno sa mga kagamitan sang mga rebelde sa Sitio Maliko-liko, Barangay Carabalan, Himamaylan City, sang Sabado sang hapon.
Suno kay 303rd IB commander Brigadier General Inocencio Pasaporte, may mga impormasyon sila nga nabaton nga ang mga leader sang rebelde nga grupo ang nagagamit na sa karun sang illegal nga droga agud nga mas makontrolar sang mga ini ang ila mga miyembro.
Ginahibalo pa sa karun sang mga otoridad kun sa diin ang mga ini nagakuha sang supply sang iligal nga druga.
Pahayag ni Pasaporte nga madamo sang mga nakuha nga iligal nga droga ang mga kapulisan kag ang iban nga ahensya sang gobyerno sa syudad sang Bacolod, San Carlos kag iban pa nga LGU sa probinsya sang Negros Occidental sa mga ginpatigayon nga mga operasyon batok sa iligal nga druga.
