Arestado na ang tatlo ka mga suspek sa pagkidnap kag pagpatay kay Anson Que, isa ka Filipino-Chinese nga negosyante, kag sang driver sini.
Nagsungka sa mga kapulisan ang ginatudlo nga nga mastermind nga si David Tan Liao matapos nga maaresto ang duha nga mga kaupdanan sini nga sanday Richardo Austria David nga kilala man bilang Richard Tan Garcia, kag Raymart Catequista sa Roxas, Palawan sang Abril 18, 2025, alas-3 ang takna sa kaagahon.
Suno kay PNP Spokesperson P/B/Gen. Jean Fajardo, ang krimen ang planado na humalin pa sadtong Enero.
Ang tatlo ka mga suspek ang ginpasakaan sang kaso nga kidnap for ransom with homicide.
Indi pa matumod kung may kaangtanan ang insidente sa POGO operations suno sa mga imbestigador.
Padayon pa nga ginaimbestigaran sang PNP ang iban pa nga posible nga motibo sa krimen.
Ang pagkaaresto sa mga suspek ang ginapatihan nga importante nga tikang sa pagpangita sang hustisya para sa mga biktima.
